Arktiksa militariseren ja Lapistan

(Almmustuvvan Ávviris 11.7.09)

Dálkkádatrievdeapmi lea dagahan ahte arktalaš jiekŋameara suddagoahtán, mii fas lea riegádahttán ođđa beroštumi davviguovlluide. Ođđaseamos boahtti lea Nato, mii geassemánu áigge dollii Ruoŧa Sámis stuorra logi beaivve guhkosaš áibmosoahtehárjehallamiid maidda Ruoŧŧa ja Suopma maiddái oassálastiiga. Soahtehárjehallamat leat oassin Nato viggamušaid viiddidit militára leahkima ja nannet soahteválmmasvuođa arktalaš eatnamiin ja čáziin. Bealákeahtes (dušše namas) Ruoŧŧa ja Suopma lassaneaddji oassálastin Nato doaimmaide lea guovddáš olli soahtelihtu plánain militariseret arktalaš guovlluid. Ruoŧŧa ja Suopma leat Nato áibmosoahtehárjehallamiin mielde soahtelihtu Ráfiverddevuohta-prográmma lahttun. Dása lassin guktot riikkat leat mielde Nato máŋgariikkalaš ráfidorvojoavkkuin (ISAF-operašuvdna) Afganistanis. Buot dát čujuhit guktuid riikkaid viggamušaide searvat Natoi beroškeahttá olbmuid vuostálastimin dain guovtti riikkas.

Read more

Sápmelaččat ja genadutkan, oassi 2

Diibmá miessemánus lei sáhka máilmmeviidosaš genadutkanprošeavtta Genographic Project áigumušain čoaggigoahtit maiddái sámiid genaid kártet olmmošgotti historjjá ja čielggadit gos iešguđet álbmogat bohtet (geahča Genadutkan, sámit ja eará eamiálbmogat.) Dál Norggas Røros vuovdeeaiggádiid searvi lea addán cealkámuša lullisápmelaččaid vuoigatvuođaid birra, mas sii maiddái dadje ahte muhtin lullisápmelaš bearraša genaid galgá iskat ja čielggadit leatgo sii oppanassiige sápmelaččat (gč. omd. Ávvir 10.3.09). Dákkár čuoččuhusaide lea álki čáibmat iige váldit daid duođas. Muhto dego Ávvira oaivečálus deattuha, dákkár ovdagáttuid ferte váldit duođas ja digaštallat daid almmolaččat.

Read more