Sámit diehtaga mielde

Ikte lohken guokte artihkkala,* mat bures govvidedje mo dieđa lea historjjálaččat leamaš guovddážis meroštallamin sámiid earret eará álbmogin, geain lea miellabuohccivuohta varas. Okta guorahalai dieđalaš oainnuid sámiid miellabuohccivuođas áigodagas 1852-1965 ja nubbi fas náli mearkkašumi olmmošgoddindáhpáhusa dutkamušain 1910-logus. Guktot artihkkalat gieđahalle dáhpáhusaid mat ledje dáhpáhuvvan Guovdageainnus, man dihtii millii bođii maid gažaldat ahte man ollu son dát historjjálaš dieđalaš (ja juridihkalaš) diskurssat ledje váikkuheamen dasa, mo Norggas reagerejedje Guovdageainnu vuolleahkásaš nieiddaid illástandáhpáhusaide moadde jagi dassái. Dallehan Guovdageainnus measta šattai synonyma pedofiliain, goit muhtin aviissain ja olbmuid mielas.

Read more

Sámit diehtaga maŋis

Duvle ledjen bovdejuvvon doallat sáhkavuoru sámi seminárii gos ságastallojuvvui sámi ja eamiálbmogiid dutkamis. Mu lassin doppe ledje maid guokte eará sámi ja okta Australia aboriginála doallamin sáhkavuoruid. Go seminára lágiduvvui universitehtas gos maid sámestudeanttat vázzet, mun ledjen movttaskan hállat eamiálbmotdutkama ja oahpahusa geatnegasvuođain servodahkii ja dan ovddideapmái – ahte dego maoridutki Linda Smith lea dadjan, eamiálbmotdutkiid ja fágabargiid bargu ii sáhte goassige nohkat akademalaš ásahusaid seinniid siskkobeallái.

Read more